الكيكة:
طبعا الكيكة خليط كيكة بالشوكولاتة من بيتي كويكر أو أي كيكة كاكاو جاهزة ..
أما الكريمه فهي كريمه بيتي كويكر الجاهزة اللي بالفانيلا ..
الأرضية:
خلطت كمية كريمه بيضاء مع شوي من بودرة الكاكاو
أو تقدرون تخلطونها مع شوي من كريمة بيتي كروكر اللي بالشوكلاته الجاهزة
الخطوط البيضاء:
هذه الكريمة الجاهزة بدون أي إضافات
الخطوط البنية:
غالبا يسوونها بكريمة بيتي كروكر اللي بالشوكلاته الجاهزة
بس صاحبة الوصفه سوتها بالكاكاو السايل
حطته في قمع بلاستيك وسوت به
الخطوط الحمرة صارت فوشية:
كريمه بيضاء مع شوي لون أحمر من ألوان الطعام
الطريقة :
1} أول شي طبقة كريمة بيج .. وبعدين دخلوها الثلاجه بس تجمد شوي الكريمة عشان ما تعبكم يوم بترسمون الخطوط الباقية ..
2} ارسمو الخطوط البيضاء وخلوها عريضة ... لأنكم راح ترسمون الخطوط البنية فوقها
دخلوها الثلاجه شرات قبل عشان تجمد شوي ..
3} ارسمو الخطوط البنية فوق البيضاء
4} وآخر شي الخطوط الفوشية أو الحمرة
طبعا الطبقة الأولى دُهنت بملعقة خاصة بدهن الكيك وممكن بالملعقة العادية ..
أما الخطوط فاستخدم القمع .. بس النوع الاسطواني البلاستيك اللي له شرات العود من ورى تضغطونه عشان تنزلون الكريمة .. لأن النوع اللي شرات الكيس مخروطي يتعب شوي
تحياتي للجميع(بدر البدور)
11/3/2009, 2:51 am